| ahmed's profileDiatry of meBlogListsGuestbook |  Tools  Help |
Diatry of me |
||||||||||||||||||||||||||||||||||||||||||||||
|
July 26 الهروب الى النعتقل يتبع"الفصل التالت" الفشل الذريعمرت الايام.....وانا لسه مفقتش من الصدمه الاولى والميد تيرم ولقيتنى مجبر انى اراجع العملى لان الامتحانات قربت ...ازاى ؟اراجع ايه؟مش عارف لقيت زمايلى بيتاخروا فى المشرحه قلت ادخل معاهم ولقيت ناس غريبه بتسمع العملى طب ازاى!!!! الناس دى شافت امتى العملى وشافوة ازاى!!!!وامتى ذاكروه المهم دخلت وسطيهم والعملى كان لتلات مواد الكيميا الحيويه والتشريح والهستولوجى ياالله هحفظ العملى ده ازاى؟؟؟؟ المواد كتيرة والاسماء غريبه على ودنى التشريح: ادخل يا احمد امسك الجثه!!انا!!!امسك الجثه !!! وش لوش كده اضطريت اميك دراه الاخ الميت وهاتك يا اسماء..العصب ده(( nerve اسمه كذا وبيعدى جنبه كذا واللى وراه كذا هههههههههههه مش ليلتى دى ربنا معاكو الكيميا الحيويه: امسك الماصه واسحب ربع سم محلول كبريت مركز بس حاسب شفايفك ونضيف عاشر اكسيد المنجنيز ونسخن طرف الانبوبه على نار نص حاميه ونص بارده...وانا مالى!!! ده هيفدنى بايه الهسيتولوحى دة المصيبه الكبيرة: شايف الخليه المدورة وفى وسطها نجمه دى اللى تميز الشريحه... يا سلام اسكت؟؟؟ لا طبعا .. اتصرفت التشريح حله بسيط.....احفظ النظرى والعضم وابقى ااشوف كتير البيو حله ابسط اسكيم فى الظريف وهدخل بيه الامتحان الهستولوجى دة لعبتى... الشريحه دى شبه الفراشه والشريحه دى مكسورة من الطرف ودى حمرا ووسطها بنفسجى وادخل يا معلم الامتحان........عدى العملى زى الحقنه وجه النظرى والشفوى اعمل ايه يا ربى صاحبكم فكر نفسه فى الثانويه وهيلم المواد ويراجعها قبل الامتحان امسك الكتاب معرفش ااقرى كلمه!!!فمبالكم كده هفهم ازاى ااقلب فى التشريح الاقى طلاسم الهستولوجى اخوه البيو كبيرهم الفسيولوجى ما يفرقش كتير عنهم اسال اعمل ايه .... قالولى حل اسئله الامتحان فى الفسيولوجى هتنجح ظبطت الاسئله فى ورق وقعدت احفظ حفظت حبه قليلين منا مش فاهم.....دخلت الامتحان حليت نص الامتحان مهى اسئله متكررة بقى وكالعاده خرجت من نص الوقت دخلت الشفوى لقيت دكتور اكبر من توت عنخ امون بيقولى كلام مش فاهمه يعنى الراجل خلع الطقم قبل الامتحان دة كلام يا جدعان انا اصلا معلوماتى متكملش تلات دقايق مع اى دكتور لسه هقعد اترجم انا الكلام قمت منفضله ومسمعش منى غير كلمه معرفش معرفش معرفش وعدى الامتحان ودخلنا على التشريح قلت دسوقى ده طيب اكيد هيكرر الاسئله...معو قالنا انتول ولادى وانا مش هذيكوا وباين عليه طيب وافوجىء ان الدنيا مفيهاش طيبين...وخلع البعبع القناع وشفت اللى عمرى ما شوفته ايه الاسئله دى هيه المناطق اللى بيتكلم عنها دى فى الامتحان موجودة فى جسم الانسان .. ممكن فعلا تكون موجوده بس محصلناش الشرف واتعرفنا الله ي..... يعمر بيتك يا بعبع نتفهموش غلط...كتبت سوال واحد وكالعادة فى نص الوقت انتوا عارفين ... مكنتش لوحدى طبعا باقى افراد القطيع كانوا معايا دخلت الشفوى لدكتور ربنا يغيتكم منه....قاللى جاوب..طبعا العبد لله مبيسمعش الكلام منا لو اعرف ااقول على طول كان جنبى بيمتحن الياشا الكبير بتاعنا رئيس الجامعه ماهر مصطفى باشا اول مرة اشوف دكتور بيشتم الطلبه بالشكل ده خفت لادخله او الدكتور ينده عليه يقوله على مستوايا اخدت ديلى فى اسنانى وهربت امتحان الهستولوجى ما اختلفش كتير بس الشفوى بتاعه بقى مش هقول .... طيب ومقةلس ليه انا جى هنا علشان ااقول المهم...وقفت على الباب مستنى دورى فى المذبحه...لقيت العيال بيتخانقوا عليا.. اللى يقةل لا انا هدخل مع احمد عيد واللى يقول لا احمد ده بتاعى واللى يقول لا اسمى قبل احمد فهدخل انا وهوه معقوله انا بقيت محبوب للدرجه دى فى الدفعه وقفت قدام الباب مستنى اسمى واذ بى افوجىء بواحد زقنى ولقيت نفسى على الكرسى انا وهوه والدكتورة انتصار فى وشنا؟؟؟ قالتله ليه يا بنى العنف ده قالها( اسكتى دى عالم معندهاش دم عايزين ياخدوا الفريسه بتاعتى يا دكتورة منا بسافر وعايز امتحن واخلص.. حسيت بالغدر الدكتورة: انتا اسمك احمد عبد السيد ولا احمد عيد السيد قلتلها انا افهمك .... انا والدى كان اسمه عبد السند بس سالوة فى المدرسه الابتدائى انتا اسمك ايه عبد السند ولا عيد السيد ابويا لقى ان عيد السيد دى جديده قام مشاها عيد السيد وغير ورقه وكده(حقيقه علميه)...... قعدت تضخك وفجاة انقلب وشها انتا عملت ايه فى الامتحان؟؟؟؟؟؟ قلتلها الصراحه محلتش قالتلى بصوت جهورى سمع الامم المتحده لييييييييييييييه؟ قلتلها مكنتش مذاكر ولقيتها بتسالنى وصاحبكم قاعد ولا كأن الكلام ليه قالت للى جنبى جاوب الاقى نشرة الساعه 10 اللى بالانجليزى اشتغلت عشر دقايق بيجاوب وبقه مسكتش والحال ده استمر كتيييير بصتلى فى الاخر وقالتلى ابقى ذاكر كويس وتعالى بعد شهر؟؟!!! خرج صاحبنا وهوة بيمسح الدم من بقه ااقصد العرق من على وشه وانا بضحك فهمت ليه كانوا بيتخانقوا عليا.....على فكرة صاحبنا ده بقى شيخ...وانتهت اولى الفصول بامتحان البيو اللى كان نسخه طبق الاصل من اخواته النتيجه 1:3 للكليه نجحت فسيولوجى بس والباقى اراكم فى الصيف وبدات السلسه.... سلسه الفشل..الذريع
July 25 الهروب الى المعتقل يتبع"الفصل التانى" بدايه الانهيار
المكان ....مدرج كليه السن طبعا لان الكليه ملهاش مدرجاتالزمان ...الساعه 9 صباحايدخل واحد لابس ابيض فى ابيض وماشى وراه عامل شبه المخبرين ماسك فى ايديه هيكل عظمى كامل صباح الخير يا اولادى وعينك ما تشوف الا النور ولا كلمه عربى تانى نشره القناة التانيه اشتغلت the upper limb...medial ...lateral...scapula....flexion....extention....supination يا خبر ابيض ايه الكلام ده؟؟!!!!!! ده انا جايب فى الانجليزى 48.5 امال انا مش فاهم ليه؟؟؟!!!!!!! ثم مين الراجل ده......واحد صرخ فيا بصوت واطى قالى اسكت!!!! كانى كفرت ده دكتور دسوقى......ياااااااااااااااااه هوة دهه!!!!!!! بس ده طيب اووووووى مش زى ما بسمع عنه...اما الناس الكبار دول معندهومش نظر...الملاك ده يقولوا عليه بعبع واذ بى افوجىء بهحمات قويه من الكلمات الى المفروض انها انجليزى...وانا قاعد اضحك طيب مفيش تعارف؟؟؟ قفش كده ؟؟ دى اول محاضرة والغريب انه بيقولنا ركزوا معايا يا اولادى احنا متاخرين...هههههههههه معقوله دى!!!!!!!! افتكر ان دى اخر محاضرة تشريح حضرتها دخلت الكليه بعد المحاضرة كنت لوحدى معرفش حد اتبخرت احلامى فى ثانيه...قلت هدخل بقى نتعرف على البنات ونبقى اصحاب واعمل شله كبيرة وايه هبهدل الدنيا قعدت اسبوع كامل مش بكلم حد لا اولاد ولا بنات..احضر السكشن فى الصبح وكان اسمى مش منضاف لظروف التحويل واجع البيت انام واصحى تانى يوم اكوى البالطو اللى عندى وافرده على ايدى وارحل الى الكليه لحد ما فيوم مشئوم كان فى واحد قاعد معايا كان باين عليه رخم صباح الخير....صباح النور ايه ده موبايلك 3310 زى بتاع اخويا اه اتفضل....واشتغل العاب...سناك بقى ودنيا خربانه اتكرر الموضوع ده لحد ما عرفت ان اسمه احمد خيرى من سمالوط بعدها كنت قاعد على السلم لقيت واحد شيك كده بيقولى انتا منين قلتله من ابوقرقاص ...قاللى تعالى احنا بنلم شله الشايلين!!!!! يااه معقوله كان باين عليا الضياع للدرجه دى مش مهم اتعرفت عليهم كان وسطهم واحد ابيضانى بعين خضرة؟.... ده لوجيك وبعدين بقينا اصحاب لانهم كانوا فى السكشن بتاعى بعد اسبوعين انتظمت الدراسه ونزل اسمى فى الكشوف ودخلت المشرحه لاول مرة انا كنت بخاف من منظر الفرخه وهيه ميته معقوله هقف قدام انسان ميت وحصلت المواجهه الاولى كنت متخيل ان البنات هيغمى عليها وبتاع..اتارى انهم ناموا على الجثه ولا كانها قريبتهم لك ان تتخيل عويوى القارىء اربعين طالب حوالين جثه واحده,,,,,تتصوروا ايه اللى ممكن اشوفه منهم ولا الهوا ولا بنت اغمى عليها ولا نيله وفضلت على الحال ده لحد ما قربت امتحانات الميد تيرم ربنا رزقنى بناس اكبر منى باسالهم هل الامتحانات دى مهمه انا لسه مذاكرنش كلمه واحد قاللى لا يعم ولا ليها لزمه..انا ما كتبتش كلمه فيها وجيبت جيد جدا احمدك يارب ما لياش دماغ اذاكر...ودخلت الامتحانات اول امتحان الورقه بيضه وخرجت بعد نص الوقت كان معايا اربعه او خمسه وكان خيرى عضو اساسى منهم تانى امتحان تالت رابع تمام ................بدايه مبشرة
الهروب الى المعتقل
طبعا بما انى فى كليه طب يبقى كله فاكران انا ملكت الماضى والحاضر والمستقبل........انا شايف غير كده خالص....بس اسكت دى مش مساله تشاؤم
دى حقيقه!!! اسال اى واحد فى طب كده من سنه اولى للامتياز...لا بلاش سنه اولى علشان هبل ميفهموش حاجه
فكرت كتير اكتب قصة حياتى من الاول للاخر....بس لقيت انها من الاول لحد دخولى الكليه حياة هاديه ممكن تكون مرت على اى حد
انما بعد اول اسبوعين من الدراسه الجامعيه
الموضوع اختلف خالص كمان فكرت اكتب بالعربى ولا اعمل ابن ناس واكتب بالافرنجى...لقيت انه مفيش داعى النبى (عليه الصلاة والسلام) عربى نبتدى الحكايه السنه الاولى الفصل الاول" الدخول اللى المعتقل ..ااقصد الكليه" النتيجه ظهرت يا احمد كام يا بابا ببعض الاسى والحسرة 95.6 طرت من الفرحه من جوايا الحمد لله كده مجموع صيدله بالظبط ها يا بطل .. ناوى على ايه اختار الكليه اللى انتا عايزها بس خللى بالك طب حلوة عارفين انك عايز صيدله,... بس المستقبل لطب اهلا بالبقال......يبنى صيدله راحت عليها خلااااااااااااااااااااااااااااااااااااااااااااااص انا اخترت كتبت صيدله فى جميع انحاء المعمورة وبعدين اداب ومعاهد وظهرت النتيجه مبروك يا بو حميد بقيت بقال اد الدنيا ااقصد صيدلى اد الدنيا وكماله الحرب عمك عازمنا النهارده يا حبيبى.. اول ما دخلت اهلا بالبقال ازيك يا صايع والاقى ورقه بميه جنيه تطلع عنيا زغللت ...ها هتحول ولا ايه عنيا بتروح يمين وشمال اعقل يا احمد انتا اخترت بلاش يا عبيط مرة واحدة لقيت نفسى قدام مكتب شئون الطلاب وبسحب ملفى وبكده انتهت قصتى مع صيدله قبل ما تبتدى ودخلت المعتقل برجلى July 11 انا مش هفضل كده على طولانا مش هفضل كده على طول..........مش هستنى العمر يعدى
مش هسكت لازم ااقول....قد ما هاخد قد ما هادى
انا دلوقتى براجع نفسى قبل ما الايام تفوت
وعشان حاجات تعيش حاجت كتير لازم تموت
مش كبرياء لكن بصلح كل شىء فيا انكسر
ومن الغباء انك تعيش زى الملاك بين البشر
يعنى براجع نفسى واللى زمان انا عيشته لغيرى
انا دلوقتى هعيشه لنفسى July 10 قصه حياتىمش غريب ان قصه حياتك تتكرر قدامك
والغريب انك عمرك ما بتتعلم
المفروض ان الموقف اللى يضايقك تتعلم منه علشان ما تعيدوش مرة تانيه
انا بقى
ااقصد اللى كنت انا لان انا اصبحت مش انا
عمرى ما بتعلم .....عارفين او عارفه ليه
لانى بحب بجد
ودة عيب فى الزمن اللى احنا فيه انا مش ملاك وكلنا بنغلط
بس المرة دى انا ما غلطتش
يمكن اكون صعب الطباع
بس المشكله انك عملتى فيا كتير
ومش فى بالك اصلا انك بتجرحينى
مش لازم الجرح يكون كبير علشان يموت اللى قدامنا وساعتها بس نعرف اننا جرحناه
بس ممكن كتر الجراح الصغيرة تموت
ايه يعنى لو فهمنا بعض وقدرنا بعض
كان فيها ايه لو اتنازلتى حبتين وكسرتى الحاجز اللى بينا
انما ليه؟؟؟؟ لازم اتحمل ولازم اسكت
والسبب بسيط
لانى بينتلك حبى وضعفى واديتلك السبب انك تقوى وتكسرى وتجرحى وتوعدى وما توفيش
مقدرش ااقول ما حبتكيش
ومقدرش ااقول كرهتك
كل اللى ااقدر ااقوله
ربنا يعينى واتحمل
الجرح المرة دى واعر قوووووى قووووى يا بوى
ربنا يهديكى
متفهموش غلط انا بقصد ماده النساء والولادة
مش مصدقينى
براحتكم
ااقروا الكلام كويس |
perfect
|
||||||||||||||||||||||||||||||||||||||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
